அழகு

பார் அழகு 
பார்க்கும் விழி அழகு 
பார்ப்பதெல்லாம் அழகு 

இருள் அழகு - அதிலே 
ஒரு துளி ஒளியழகு 

மலை அழகு - ஆங்கே 
பொழியும் மழையழகு 

சிலை அழகு - சிற்பியின் 
கலை அழகு 

ஆண் அழகு - அவன்கொண்ட 
ஆண்மை அழகு 

பெண்மை அழகு - அவள்ஈனும் 
தாய்மை அழகு 

மொழி அழகு - செந்தமிழாயின் 
அதுவன்றோ அழகு 

உண்மை அழகு - பொதுநல 
பொய்யும் அழகு 

பிறப்பு அழகு - பிறர்கெனின் 
இறப்பும் அழகு 

திருமணம் அழகு - மனமிரண்டும் 
ஒன்றாயின் இல்லறம் அழகு 

துன்பம்நீக்கும் துறவறம் அழகு 
மானம்காக்கும் மறம் அழகு 
மகுடம்கொண்ட சிரம் அழகு 
வாரிவழங்கும் கரம் அழகு 

மனம் அழகு - எனின், 
யாவும் பேரழகு..!